Fermerët bllokuan sot të paktën pesë autostrada në Francën jugperëndimore ndërsa protestat vazhduan kundër skartimit të bagëtive dhe marrëveshjes tregtare BE-Mercosur, transmeton Anadolu.
Protesta e fermerëve francezë vazhdoi me bllokime në autostrada të ndryshme në të gjithë Francën jugperëndimore, sipas transmetuesit BFMTV.
Autoritetet presin protesta të mëtejshme në orët në vijim. Krahas rrugëve, fermerët bllokuan gjithashtu një hekurudhë në departamentin Haute-Garonne.
Ata kanë protestuar për disa ditë kundër politikës së qeverisë për skartimin sistematik të kopeve të bagëtive pas zbulimit të dermatitit nodular, i njohur edhe si sëmundja e lëkurës me gunga.
Fermerët po shprehin pakënaqësinë e tyre me marrëveshjen tregtare midis BE-së dhe bllokut të Amerikës së Jugut të Brazilit, Argjentinës, Paraguait dhe Uruguait (Mercosur).
