Ballina Kulturë Feja Gjermani, kameruniani i mbijetuar nga sulmi terrorist racist pranon Islamin

Gjermani, kameruniani i mbijetuar nga sulmi terrorist racist pranon Islamin

Pieter Mienneman, një i mbijetuari nga sulmi terrorist racist në qytetin Hanau të Gjermanisë, është konvertuar në musliman duke shqiptuar Shehadetin dhe mori emrin Bilal, raporton Anadolu Agency (AA).

Me origjinë nga Kameruni, Mienneman që u bë musliman pas namazit të xhumasë në Shoqatën Islame Hanau, tha se ka mbijetuar për shkak se agresorit i mbaruan plumbat.

Mienneman, i cili është trajnues boksi ka bërë të ditur se ka informcione të mjaftueshme për islamin për të cilin ka qenë i interesuar edhe më parë. Ai shpjegoi se u sulmuan teksa ndodheshin për darkë në Arena Kafe me shokët që humbën jetën si pasojë e sulmit të agresorit racist dhe se shokët e tij kanë humbur jetën para syve të tij.

“Radha më kishte ardhur mua por mbeta gjallë pasi agresorit i përfunduan plumbat”, tregoi Mienneman i cili me sytë e përlotur tha se ende nuk ka mundur të dalë nga ndikimi i ngjarjes.

Bilal Pieter Mienneman, theksoi se pas kësaj ngjarjeje vendosi të bëhet musliman duke shqiptuar Shehadetin në Shoqatën Islame Hanau pas namazit të xhumasë.

Exit mobile version