Qeveria irakiane ka dënuar ashpër politikën e urisë së Izraelit në Rripin e Gazës, duke bërë thirrje për presion maksimal ndërkombëtar ndaj Izraelit për të lejuar dërgimin e ndihmave humanitare në territorin e rrethuar dhe të bombarduar.
Në deklaratë thuhet se Izraeli po injoron “të gjitha konsideratat humanitare dhe ligjore” dhe se po përdor “mungesën e ndihmave ushqimore dhe humanitare si mjete shtesë për të vazhduar vrasjen e palestinezëve”.
Ndërkohë që bllokada izraelite, e cila ka ndërprerë furnizimet me ushqim, karburant dhe ndihma mjekësore, po i afrohet tre muajve, Programi Botëror për Ushqimin paralajmëroi javën e kaluar se mbi 70,000 fëmijë në Gaza po përballen me nivele ekstreme të kequshqyerjes. /mesazhi
