Ish-presidenti amerikan, Bill Clinton, 78 vjeç, sot është liruar nga spitali pasi u shtrua për shkak të temperaturës, tha zëvendësshefi i stafit të tij, transmeton Anadolu.
“Presidenti Clinton u lirua më herët sot pasi u trajtua për gripin. Ai dhe familja e tij janë thellësisht mirënjohës për kujdesin e jashtëzakonshëm të ofruar nga ekipi në Spitalin Universitar MedStar Georgetown dhe janë të prekur nga mesazhet e mira dhe urimet që mori”, tha Angel Urena në X.
Bill Clinton shërbeu dy mandate si president, nga janari 1993 deri në janar 2001.
Gruaja e tij, Hillary Clinton, më vonë shërbeu si Sekretare e Shtetit nën presidentin Barack Obama, dhe gjithashtu kandidoi për presidencën e SHBA-së në vitin 2016.
Bill dhe Hillary Clinton mbeten ikona të Partisë Demokratike, me presidencën e tij që shihet si një nga më të suksesshmet në epokën pas Watergate-it.
