Einav Zangauker, nëna e Matan Zangauker, 25 vjeç, i cili është kapur nga Hamasi, ka kritikuar ashpër Kryeministrin izraelit, Benjamin Netanyahu, për dështimin në sigurimin e lirimit të djalit të saj, ndërkohë që pengu tjetër amerikan-izraelit, Edan Alexander, do të lirohet.
“Matani im, një qytetar i sëmurë që u rrëmbye nga shtrati, mbahet së bashku me Edan Alexander,” shkroi Einav Zangauker në një postim në X. “Të dy janë në të njëjtën tunel të errët pa asnjë tjetër peng.”
“Nëse Matani lihet vetëm në tunel, Netanyahu po zgjedh të vrasë fëmijën tim – në vend që të lirojë të gjithë pengjet,” vazhdoi ajo.
Duke iu drejtuar drejtpërdrejt djalit të saj, ajo shtoi: “Unë do të ndjeku pas Kryeministrin për vuajtjet që ai po të shkakton ty, për abuzimin që ai po na bën neve – familjeve. Ai do të mbahet përgjegjës.”
Në dhjetor, Hamasi publikoi një video të provës së jetës së Matanit, ku ai përshkruante kushtet e rënda në tunelët e Gazës – të rrethuar nga merimanga dhe minj, duke vuajtur nga sëmundje të lëkurës dhe duke shpresuar për një ribashkim me familjen e tij. Ai apeloi që publiku izraelit të mos e harrojë atë.
