Këtë të hënë, për herë të parë në më shumë se gjashtë javë, Hong Kongu nuk ka raportuar asnjë rast të ri me koronavirus, sipas një deklarate nga Qendra e qytetit për Mbrojtjen e Shëndetit.
Kështu, numri i përgjithshëm i rasteve të koronavirusëve të raportuar në Hong Kong ka mbetur në 1.025, përfshirë katër vdekje.
Megjithatë, autoritetet po i nxisin banorët të vazhdojnë të mbajnë një distancë të përshtatshme sociale dhe të shmangin aktivitetet shoqërore për të zvogëluar rreziqet e tyre të infektimit.
“Duke pasur parasysh se situata e infeksionit Covid-19 mbetet e rëndë dhe se ka një rritje të vazhdueshme të numrit të rasteve të raportuara në të gjithë botën, anëtarëve të publikut u kërkohet me forcë që të shmangin të gjitha udhëtimet jo thelbësore jashtë Hong Kong”, tha Qendra e qytetit për Mbrojtjen e Shëndetit./tch
