KF Drita dhe FC Prishtina kanë shënuar fitore të rëndësishme në “luftën” për titull.
Skuadra gjilanase dhe ajo nga kryeqyteti, kanë bërë detyrën në ndeshjet e vlefshme për xhiron e 31-të të Vala Superligës së Kosovës.
Drita në shtëpi ka arritur të mposht me lehtësi Lirinë e Prizreni, me rezultat 3:0.
Fitore të vështirë ka shënuar Prishtina, që ka përmbysur rezultatin nga 0-1 në 2:1 ndaj Gjilanit, me dy gola të shënuara në fund të ndeshjes.
Pas 31 xhirove, Drita mbetet lidere me 63 pikë, ndërsa Prishtina një pozitë më poshtë me 60 pikë.
Xhiron e ardhshme Drita pret ‘Trepçën ’89, ndërsa Prishtina udhëton në Prizren për t’u takuar me Lirinë.
