Presidenti i SHBA-së, Donald Trump, ka urdhëruar ushtrinë amerikane të ndalojë përkohësisht sulmet ndaj Iranit, raportojnë mediat amerikane The New York Times dhe Axios.
Sipas The New York Times, vendimi erdhi pas shqetësimeve se vazhdimi i luftës mund të dobësonte rezervat e Pentagonit me raketa për mbrojtjen ajrore Patriot dhe municione të tjera në Lindjen e Mesme.
Vendimi u mor pas një takimi të Trumpit me këshilltarët e tij kryesorë dhe anëtarë të lartë të kabinetit.
Ndërkohë, Axios raportoi se nuk është e qartë nëse ndalimi i sulmeve do të jetë i përkohshëm apo nëse pauza do të zgjasë më gjatë.
Sipas burimeve të cituara nga media, vendimi mund t’i japë më shumë hapësirë diplomacisë, ndërsa ushtria amerikane po përgatit gjithashtu plane për një rikthim të mundshëm në operacione të mëdha luftarake. /mesazhi
