SHBA-ja po i detyron shtetet evropiane të financojnë Ukrainën kundër mirëqenies së qytetarëve të tyre, tha herët kreu i Dumës ruse, Vyacheslav Volodin, transmeton Anadolu.
“SHBA-ja po i detyron shtetet e Evropës të financojnë regjimin e Kievit me çmimin e mirëqenies së qytetarëve të tyre. Por, siç rezulton, ata paguajnë kosto shumë më pak se të tjerët”, tha Volodin në Telegram.
Volodin vuri në dukje se, për sa u përket shpenzimeve, SHBA-ja përdor 0,37 për qind të pjesës së PBB-së së saj, e cila tha ai është 5,7 herë më pak se ajo e Polonisë.
Ai më tej tha se Estonia, Letonia, Republika Çeke, Lituania, Sllovakia, Bullgaria, Malta, Norvegjia, Rumania dhe administrata greke qipriote po e detyrojnë Washingtonin të shpenzojë më shumë për Ukrainën.
“Përveç kësaj, vendet e Bashkimit Evropian paguajnë kosto shtesë për shkak të sanksioneve anti-ruse, të cilat i kanë goditur ekonomitë e tyre si një bumerang”, tha gjithashtu Volodin.
Ai tha se, duke vazhduar furnizimin me armë për Kievin, udhëheqësit e BE-së po veprojnë në kundërshtim me interesat e tyre kombëtare dhe në kurriz të qytetarëve të tyre.
“Washingtoni tregoi edhe një herë se parimi kryesor i politikës së tij është përdorimi i vendeve të tjera për të arritur interesat e tij”, shtoi ai.
