Presidentja e Kosovës, Vjosa Osmani, mori titullin “Doktor Nderi” nga Universiteti i Ankarasë në një ceremoni në kryeqytetin turk, raporton Anadolu Agency (AA).
Duke folur në ceremoni, Osmani tha: “Me pranimin e këtij çmimi, më kujtohet thelbi i lidhjes unike mes popullit tonë dhe kështu do ta mbaj përgjithmonë këtë çmim si një simbol i rëndësishëm i marrëdhënieve miqësore dhe të ndershme mes dy vendet tona”.
Duke theksuar rëndësinë e marrjes së çmimit nga Universiteti i Ankarasë, ajo tha: “Shumë profesorë të jashtëzakonshëm dhe frymëzues kanë mbajtur leksione para audiencës së ulur pikërisht në këtë sallë apo zona të tjera të kësaj godine”.
Ndër të pranishmit në ceremoni ishin rektori i Universitetit të Ankarasë, Necdet Ünüvar dhe kreu i grupit të miqësisë ndërparlamentare Turqi-Kosovë, Zafer Işık.
Marrëdhëniet dypalëshe
Marrëdhëniet ndërmjet Kosovës dhe Turqisë janë të forta, dinamike dhe shumështresore, tha Osmani, duke shtuar: “Këto marrëdhënie i rezistuan kohës, qëndrojnë në themele të forta dhe lulëzojnë mbi vlerat që ndajmë dhe vizionin e përbashkët për paqen dhe stabilitetin si dhe objektivin e përbashkët për integrimin euroatlantik të Ballkanit”.
Duke komentuar luftën e Kosovës për liri, pavarësi dhe vetëvendosje, ajo tha: “Falë ndërhyrjes së NATO-s në vitin 1999, jetët tona u shpëtuan dhe njerëzit tanë u shpëtuan nga shfarosja e planifikuar”.
“Turqia luajti një rol vendimtar në mbështetjen e çlirimit të Kosovës në 1999. Dhe ishte ndër vendet e para që njohën pavarësinë tonë në vitin 2008”, shtoi ajo.
Për situatën në Ukrainë, Osmani tha: “Sulmi flagrant ndaj sovranitetit dhe integritetit territorial të Ukrainës nga Rusia me të drejtë ka tronditur botën, na ka tronditur sepse tregon se beteja midis demokracisë dhe hegjemonisë që po luhet në Ukrainë është në fakt më tepër se vetëm një vend dhe një fqinj agresiv”.
Duke lavdëruar luftën e popullit dhe udhëheqjes së Ukrainës gjatë ditëve të fundit, ajo tha: “Populli dhe udhëheqja e Ukrainës kanë treguar qëndrueshmëri dhe trimërinë e një lloji të rrallë të dëshmuar”.
