Avionët luftarakë të koalicionit goditën forcat besnike të Këshillit Kalimtar Jugor të Jemenit (STC) në provincën Hadhramaut të premten, pasi dyshohet se ata ngritën prita duke shënjestruar trupat qeveritare jemenase gjatë dorëzimit të pozicioneve ushtarake, tha Mohammed Qizan, nënsekretari i Ministrisë së Informacionit të Jemenit, transmeton Anadolu.
Qizan tha për Al Jazeera se “avionët luftarakë të koalicionit po godasin forcat e STC-së që po ngrenë prita” në provincë.
Ata kishin ngritur prita përgjatë rrugës kundër forcave qeveritare jemenase ndërsa ato po merrnin pozicione ushtarake në provincën Hadhramaut, tha një korrespondent i Anadolu.
Guvernatori i Hadhramaut, Salem al-Khanbashi tha se sulmet ajrore shënjestruan forcat që sulmuan njësitë “Dera’ Al-Watan” ndërsa ato përparonin të premten për të marrë pozicione ushtarake, duke shtuar se pritat e lëvizjes paqësore të njësive shkaktuan sulmet.
Ai gjithashtu u kërkoi banorëve të Hadhramaut të mos ndërhyjnë me forcat ose të mos ngrenë prita gjatë vendosjes së tyre.
