Një person është vrarë dhe dhjetë janë plagosur pas një incidenti të dhunshëm në një shkollë në lindje të Finlandës, thotë policia.
Shkolla, e cila gjendej ngjitur me një qendër tregtare, ndodhet në Kuopio, 335 kilometra në veri-lindje të kryeqytetit, Helsinki. Policia tha që oficerët përdorën armë zjarri dhe arrestuan një person që posedonte thikë, por nuk dha detaje nëse ai ishte agresori i vetëm.
Dy nga të plagosur janë në një gjendje të rëndë, çfarë shton frikën për rritjen e numrit të të vdekurve. Policia nuk dha detaje të mëtejshme se çfarë kishte ndodhur ose çfarë provokoi dhunën, por megjithatë incidentet e tilla janë të rralla në Finlandë, pasi vendi njihet për shkallën e ulët të krimit.
