Në Gjermani, 17,6 milionë njerëz që korrespondojnë me 21,2 për qind të popullsisë së vendit, vitin e kaluar janë përballur me rrezik varfërie ose përjashtim social, transmeton Anadolu.
Një në pesë persona në vend përjetuan këto kushte që nga viti 2025, njoftoi të martën Zyra Federale e Statistikave Gjermane (Destatis).
Shifra tregon një rritje nga viti 2024, kur 17,6 milionë njerëz që përkon me 20,9 për qind të popullsisë, përballeshin me rreziqe të ngjashme.
Trendi në rritje ka vazhduar për disa vite, duke u rritur nga një normë prej 19 për qind (15,5 milionë njerëz) e regjistruar në vitin 2017.
Destatis raporton se rreziku i varfërisë ndryshon ndjeshëm në bazë të strukturës së familjes dhe statusit të punësimit.
Shkalla e rrezikut arrin në 30,9 për qind për individët që jetojnë vetëm dhe 28,7 për qind për ata në familje me një prind të vetëm.
Individët e papunë mbeten grupi më i prekur, me shkallën e rrezikut të varfërisë që arrin në 64,9 për qind.
Pensionistët përballen me një shkallë rreziku prej 19,1 për qind, e cila mbetet nën mesataren kombëtare.
– Kufiri i varfërisë
Bashkimi Evropian e përcakton kufirin e varfërisë si të kesh më pak se 60 për qind të të ardhurave mesatare.
Bazuar në të dhënat e vitit 2025, pragu në Gjermani është 1.446 euro (1.705 dollarë) neto në muaj për një person të vetëm.
Kufiri për dy të rritur me dy fëmijë është 3.036 euro në muaj.
