Hungaria shpall gjendjen e jashtëzakonshme për shkak të luftës në Ukrainë

Qeveria e Hungarisë ka shpallur gjendjen e jashtëzakonshme për shkak të luftës në Ukrainë, e cila do të hyjë në fuqi nga sot, shkruan Sky News.

Kryeministri Viktor Orban e bëri njoftimin në një video në Facebook, duke thënë se kabineti i tij duhej të ishte në gjendje t’i përgjigjej sfidave shpejt.

Ndryshimi do të thotë se Orbani do të jetë në gjendje të qeverisë me dekret.

Orban, i cili u rizgjodh për mandatin e katërt radhazi në prill, ka përdorur rendin e posaçëm ligjor më parë – një herë për shkak të migrimit dhe gjatë pandemisë së koronavirusit.

Ai është akuzuar më parë se ka përfituar nga krizat për të çuar më tej ambiciet autoritare dhe për të minuar rëndësinë demokratike të kontrolleve dhe ekuilibrave. /koha