Çdo ditë që nga hapja e pikave të ndarjes së ndihmave nga Fondacioni Humanitar i Gazës (GHF), qindra palestinezë mblidhen në turma për të marrë ushqimin e pakët që ofrohet.
Por, sapo afrohen, ushtria izraelite fillon të qëllojë me armë zjarri, dronë fluturojnë mbi kokat e tyre dhe tanke izraelite afrohen drejt turmës.
Sot, numri i të vrarëve arriti në 14, përfshirë një grua të quajtur Hanan, e cila ishte e vetmja që kujdesej për fëmijët dhe familjen e saj. Sulmet ndodhën në pikën e ndarjes në Rafah pranë zonës al-Mawasi, si dhe në Gazën qendrore, ku u plagosën 31 persona.
Shumica e viktimave janë qëlluar në pjesët e sipërme të trupit – në kraharor, qafë dhe kokë. Këto pika ndarjeje ndodhen në zona të izoluara, ku buldozerët izraelitë kanë shkatërruar shtëpi banimi.
Situata përshkruhet si kaotike, me ushtrinë izraelite që përdor municion të vërtetë dhe gaz lotsjellës për të shpërndarë palestinezët e uritur. /mesazhi
