Numri i të vdekurve nga shtypja e juntës ushtarake në Mianmar kundër protestuesve pro-demokracisë është rritur në 807, raporton Anadolu Agency (AA).
Në konferencën e saj të fundit, Shoqata e Ndihmës për të Burgosurit Politikë (AAPP) raportoi dy vdekje të tjera në rajonin Bogo.
Protestat pro-demokracisë po zhvillohen në qytete dhe qyteza në të gjithë vendin e Azisë Juglindore që nga grushti i shtetit ushtarak i 1 shkurtit.
Ushtria përmbysi qeverinë e zgjedhur të Aung San Suu Kyi, e arrestoi atë dhe drejtuesit e tjerë të partisë së saj të Lidhjes Kombëtare për Demokraci dhe më pas shtypi me forcë vdekjeprurëse protestuesit antigrusht shteti.
Partia e Suu Kyi fitoi mandatin e dytë në nëntor, por ushtria tha se manipulimi në zgjedhje kishte detyruar atë të merrte pushtetin. Shumë vende, përfshirë SHBA-në, kanë njoftuar sanksione kundër regjimit.
Shoqata tha se fëmijët gjithashtu kanë pësuar rëndë nën sundimin ushtarak. Gjithsej 73 fëmijë janë ndaluar dhe 53 fëmijë janë vrarë.
“Edhe pse Burma është një nga vendet që ka ratifikuar Konventën e Kombeve të Bashkuara për të Drejtat e Fëmijëve, duke konsideruar juntën se është një grup i paligjshëm terrorist, nuk është për t’u habitur që këto të drejta nuk respektohen”, thuhet në fund. /aa
