Mijëra protestues dolën në rrugë në qytetet izraelite të Tel Avivit, Jerusalemit, Cezaresë, Raanana dhe Herzliya të shtunën, duke kërkuar lirimin e të gjithë pengjeve të mbajtura në Gaza dhe largimin nga detyra të kryeministrit izraelit Benjamin Netanyahu.
Demonstratat e mbajtura në rrugën Kaplan në Tel Aviv kërkuan gjithashtu mbajtjen e menjëhershme të zgjedhjeve të përgjithshme. Një video nga tubimi tregon oficerët e policisë që përpiqen t’i shtyjnë protestuesit.
“Askush nuk largohet! Ne do të marshojmë për në Jerusalem dhe do të qëndrojmë atje, derisa qeveria të shpërbëhet”, shkruhej në një pankartë.
Në një tubim të veçantë të mbajtur në sheshin e pengjeve në Tel Aviv, të mbijetuarit e robërisë së Hamasit u kërkuan autoriteteve izraelite që të sillnin menjëherë në shtëpi të gjithë pengjet që ende mbahen në Gaza.
Aviva Siegel që ishte vet peng në Gaza e bashkëshorti i së cilës Keith Siegel mbetet ende atje, u bëri thirrje autoriteteve izraelite që të “marrin përgjegjësi” dhe të bëjnë më shumë përpjekje për lirimin e bashkëshortit të saj dhe pengjeve të tjera të mbajtura nga Hamasi dhe grupet e tjera militante.
Shumë mbështetës të tubimit të pengjeve vazhdojnë të marshojnë nëpër rrugët e Tel Avivit të shtunën mbrëma.
Forumi i Pengjeve dhe Familjeve të Zhdukura tha në një deklaratë të shtunën se tubimi do të zhvendoset javën e ardhshme në Jerusalem përpara parlamentit të Izraelit.
