Në një raport të publikuar të premten, duke shënuar përvjetorin e parë të organizatës COVAX, kreu i Organizatës Botërore të Shëndetësisë (OBSH) ka denoncuar “pabarazitë” në shpërndarjen e vaksinave.
“Gati 900 milion doza vaksinash janë administruar globalisht, por mbi 81% janë dërguar në vendet me të ardhura të larta, ndërsa vendet me të ardhura të ulëta kanë marrë vetëm 0.3% të dozave ,” tha Tedros Adhanom Ghebreyesus.
Tedros u ka bërë thirrje vendeve më të pasura të dhurojnë dozat e tepërta për të ndihmuar në vaksinimin e punonjësve shëndetësorë në vendet me të ardhura të ulëta.
COVAX, i cili ka dërguar 40.5 milion doza në 118 vende deri më tani, synon të sigurojë 2 miliardë doza deri në fund të vitit 2021./abcnews
