Të paktën 7 arsimtarë u vranë sot kur persona të armatosur hapën zjarr në një shkollë në veriperëndim të Pakistanit, njoftoi policia dhe mediat lokale, transmeton Anadolu.
Të shtënat ndodhën në një shkollë të mesme shtetërore në qytetin e largët Parachinar, i cili shtrihet në kufi me Afganistanin, njoftoi transmetuesi lokal “Dunya News”.
Nxënësit në shkollë ishin duke dhënë provimet vjetore kur ndodhën të shtënat. Policia tha se po hetonte motivet pas incidentit, duke shtuar se mund të ketë lidhje me terrorin.
Parachinar është i vetmi qytet me shumicë shiite në provincën veriperëndimore Khyber Pakhtunkhwa dhe shpesh ka qenë objektiv i sulmeve terroriste.
Të shtënat në shkolla janë të rralla në Pakistan. Mbi 140 persona, kryesisht nxënës, u vranë në një sulm me armë dhe bombë në një shkollë ushtarake në qytetin veriperëndimor Peshawar në dhjetor 2016.
