Presidenti Erdoğan zhvillon bisedë telefonike me homologun francez

Presidenti i Turqisë, Recep Tayyip Erdoğan, zhvilloi një bisedë telefonike me presidentin e Francës, Emmanuel Macron, transmeton Anadolu Agency (AA).

Sipas një deklarate nga Kryesia e Komunikimeve e Presidencës, thuhet se krahas marrëdhënieve Turqi-Francë, në bisedë u diskutuan edhe çështjet rajonale përfshirë luftën Ukrainë-Rusi dhe aplikimin e Suedisë dhe Finlandës për anëtarësim në NATO.

Erdoğan, në bisedë shprehu se dëshirojnë që mes Rusisë dhe Ukrainës të arrihet sa më parë një paqe e drejtë dhe se në këtë drejtim vazhdojnë të nxisin dy vendet në rrugën e dialogut dhe diplomacisë.

Ndër të tjera presidenti turk është shprehur se kontaktet e Suedisë dhe Finlandës me personat dhe të ashtëquajturat institucione nën kontrollin e organizatës terroriste PKK/YPG, nuk përputhen me frymën e aleancës nën çatinë e NATO-s.