Sekretari i Përgjithshëm i Kombeve të Bashkuara (OKB) Antonio Guterres vizitoi qytetetBorodyanka, Buça dhe Irpin të Ukrainës, ku ndodhet për kontakte zyrtare.
Pas inspektimit të lagjeve të shkatërruara nga lufta në Borodyanka Guterres tha: “Unë e imagjinoj familjen time në një nga ato shtëpitë e rrënuara dhe të errëta. Unë shoh nipërit e mi që vrapojnë në panik. Një anëtar i familjes ka vdekur. Në shekullin 21, lufta është e pakuptimtë, lufta është brutalitet”.
Gjatë vizitës së tij në Buça, Guterres tha se ishte i kënaqur që prokurorët e Gjykatës Penale Ndërkombëtare ndodhen këtu dhe se kanë filluar hetimet për atë se çfarë ndodhi këtu.
Guterres theksoi mbështetjen e tij për punën e Gjykatës Penale Ndërkombëtare dhe i bëri thirrje Rusisë që të bashkëpunojë me gjykatën.
Ndërkaq gjatë vizitës në Irpin Sekretari i Përgjithshëm i OKB-së, tha: “Civilët paguajnë gjithmonë çmimin më të lartë. Në këto ndërtesa jetonin civilët e pafajshëm. Ata paguanin çmimin më të lartë për një luftë për të cilën nuk kontribuan kurrë. Kudo që ka luftë çmimin më të lartë e paguajnë civilët”.
Ushtria ukrainase, e cila çliroi qytetin Buça që ndodhet afër kryeqytetit Kiev nga forcat ruse më 1 prill, me të hyrë në qytet panë ndërtesat e shkatërruara dhe rrugët e qytetit të mbushura plot me trupa.
Kujtojmë se trupat e 410 civilëve u gjetën në zonat e banuara të çliruara pranë Kievit.
Trupat ruse filluan një ofensivë në Ukrainë më 24 shkurt. /trt
VIDEO: 🇺🇦 UN Secretary-General Antonio #Guterres, speaking in #Bucha outside Kyiv on Thursday, appeals to Russia to ‘cooperate’ with the International Criminal Court (ICC) on investigations into possible war crimes carried out during its invasion of Ukraine pic.twitter.com/aQycGmiIjr
— AFP News Agency (@AFP) April 28, 2022
