“Kur shtetet shemben, ka një bollëk fallxhorësh, lypësish, hipokritësh, pretenduesish, skribësh, tregimtarësh, këngëtarësh të vrazhdë, poetësh të rëndomtë, sharlatanësh, daullexhishë dhe dajrexhishë, budallejsh, lexues falli nga dora, lajkatarë dhe kritikë. Kuptimet e vërteta ngatërrohen, vlerësimi humbet dhe menaxhimi i duhur përkeqësohet. Ligjërimi bëhet i ngatërruar, e vërteta përzihet me gënjeshtrën dhe xhihadi ndërthuret me vrasjen.
Kur shtetet shemben, frika mbizotëron dhe njerëzit kërkojnë strehim në fraksione. Çudira shfaqen, përhapen thashethemet, miqtë bëhen armiq dhe armiqtë bëhen miq. Gënjeshtra bëhet më e fortë, ndërsa zëri i së vërtetës dobësohet. Shfaqen fytyra të çuditshme, ndërsa fytyrat e njohura zhduken. Ëndrrat bëhen të pakta, shpresa vdes dhe të mençurit ndihen më të tjetërsuar. Tiparet e fytyrës humbasin.
Zëri i të mençurve mbytet në zhurmën e predikuesve dhe në garën për përkatësinë. Të gjithë mbeten në një gjendje vigjilence dhe pritjeje. Situata kthehet në projekte të mërgimtarëve dhe atdheu bëhet stacion nisjeje. Vendet ku jetojmë bëhen valixhe, shtëpitë kthehen në kujtime dhe kujtimet kthehen në përralla!”
——-
Ibn Haldunit në {El-Mukadime} ✍️
Solli: Rezart Beka
