NATO nuk ka në plan të dërgojë trupa për të luftuar në Ukrainë në rast pushtimi nga Rusia, deklaroi të dielën sekretari i përgjithshëm i NATO, Jens Stoltenberg.
Deklarata e tij erdhi gjatë një interviste për BBC.
“Aleatët e NATO kanë dërguar trajnues. Ne po i ndihmojmë duke modernizuar kapacitetet e tyre, përfshi në mbrojtjen kibernetike. Aleatët e NATO gjithashtu i kanë furnizuar me armë. Për shembull, Mbretëria e Bashkuar ka dërguar armë kundërtank”, tha ai.
Stoltenberg gjithashtu vuri në dukje kufizimet e partneritetit me Ukrainën, ku theksoi se parimi i kundërpërgjigjes ushtarake nga gjithë vendet anëtare të NATO në rastin e sulmit të një vendi anëtar nuk vlen në rastin e Ukrainës pasi kjo e fundit nuk është anëtare. /euronews
