Kanë dalur pamjet e videove nga të shtënat në Italinë qëndrore, ku në shënjestër ishin emigrantët.
Pamjet tregojnë një makinë të parkuar në qytetin Macerata, nga e cila u hodhën të shtëna të pakontrolluara. Të shtënat ndodhën në dy zona kyçe në qytetin ku po zhvillohet një hetim për vrasjen e një vajze 18-vjeçare, trupi i së cilës u gjet i copëtuar dhe i fshehur në dy valixhe.
Një 29-vjeçar emigrant nigerian mashkull është arrestuar për vrasjen e Pamela Mastropietro.
Thirrjet për sulme hakmarrëse janë postuar në faqen e Facebook të nënës së viktimës, në vazhdën e të shtënave të së shtunës.
Gjashtë vetë u plagosën në incidentin me makinë, të paktën një prej tyre është në gjendje të rëndë.
I dyshuari i quajtur Luca Traini i cili ka një simbol tatuash neo-nazist në fytyrë është arrestuar. 28-vjeçari i cili u përshkrua nga një gjykatës vendas si “i kthjellët dhe i vendosur” nuk e ka shfaqur “asnjë pendim për veprimet e tij”.
Politikanët e majtë po fajësojnë partinë e së djathtës ekstreme për nxitjen e sulmeve raciste. /MESAZHI/