Turqia është përgjigjur pasi ministri i punëve të jashtme të Izraelit tha se po tërhiqte diplomatët dhe po planifikonte një “rivlerësim” të marrëdhënieve midis dy vendeve të shtunën.
Ministria e Punëve të Jashtme të Turqisë tha në një deklaratë se Izraeli “nuk mund të tolerojë as kritika dhe dënime” edhe pse ai kryen “një krim kundër njerëzimit përpara gjithë botës”.
Ministria iu përgjigj gjithashtu akuzave për antisemitizëm kundër presidentit Rexhep Tajip Erdogan nga zyrtarët izraelitë, duke i përshkruar ato si “të pabaza” dhe duke theksuar se Turqia është një “strehë e sigurt” për popullin hebre.
Ambasadori i Izraelit në OKB tha më herët se Erdogan “mbetet një antisemit”, sipas raporteve nga Radio Ushtria e Izraelit.
Të shtunën, Erdogan iu drejtua qindra mijëra njerëzve në një tubim pro-palestinez në Stamboll. /mesazhi
