Shtetet arabe të Gjirit kanë dënuar sulmin izraelit në një fshat në jug të Sirisë, ku u vranë 13 persona, përfshirë fëmijë, duke e cilësuar atë si shkelje të sovranitetit dhe të së drejtës ndërkombëtare.
Ministria e Jashtme e Katarit tha se përshkallëzimi “thellon tensionet dhe minon përpjekjet për siguri dhe stabilitet në rajon”, duke kërkuar nga komuniteti ndërkombëtar të ndërmarrë veprime të menjëhershme për të ndaluar shkeljet izraelite, për të mbrojtur civilët dhe për të mbajtur përgjegjës autorët.
Arabia Saudite, në një deklaratë nga Ministria e Jashtme, tha se “dënon dhe refuzon sulmin e hapur” të forcave izraelite dhe përpjekjet e tyre “për të cenuar sigurinë dhe stabilitetin e Sirisë dhe popullit të saj”.
Edhe Kuvajti e dënoi sulmin, duke deklaruar se “këto agresione kriminale janë vazhdimësi e qasjes destabilizuese të Izraelit, e cila rrezikon sigurinë e rajonit dhe minon përpjekjet rajonale e ndërkombëtare për de-përshkallëzim”. /mesazhi
