Dy persona kanë mbetur të vdekur si pasojë e një aksidenti që ka ndodhur në magjistralen Gjakovë-Pejë, më saktësisht në fshatin Skivjan.
Komandanti i Policisë në Gjakovë, Krist Gjokaj ka konfirmuar për lajmi.net se nga aksidenti kanë humbur jetën dy vetë.
Ai ka bërë të ditur se gjithashtu janë edhe tre persona tjerë të lënduar rëndë.
“Para gjysë ore në fshatin Skivjan ka ndodhur një ndeshje ndërmjet dy veturave, meqë rast kemi dy viktima, një mashkull 42 vjeçar dhe një femër 65 vjeçare. Ndërsa janë edhe tre të lënduar rëndë”, ka thënë Gjokaj.
