BE-ja tha të shtunën se do të lëshon 47 milionë euro për të ndihmuar njerëzit e prekur nga konflikti në Republikën Demokratike të Kongos (DRC).
Vendimi u mor për shkak të përshkallëzimit të konfliktit në Kivu-në e Veriut, tha blloku 27-anëtarësh në një deklaratë.
BE-ja “do të ofrojë mbështetje humanitare në formën e furnizimeve mjekësore dhe ushqimore së bashku me një sërë artikujsh të tjerë emergjence, në bashkëpunim me UNICEF-in dhe partnerë të tjerë humanitarë”, thuhet në njoftimin për shtyp.
Fondi do të përdoret për të mbuluar nevojat imediate, duke përfshirë ushqimin, kujdesin shëndetësor, ujin, kanalizimet dhe strehimin.
“BE është e gatshme të mobilizojë të gjitha mjetet e nevojshme për të mbështetur punonjësit humanitarë, duke përfshirë logjistikën dhe ajrin, për të përmbushur nevojat e popullsisë në Republikën Demokratike të Kongos”, tha Janez Lenarcic, komisioneri i BE-së për menaxhimin e krizave.
Më shumë se 600,000 njerëz janë zhvendosur në DRC Lindore për shkak të inkursionit nga rebelët M23, të cilët kanë kapur zona të mëdha të Kivu-së Veriore që nga tetori i kaluar.
Rebelimi i “Lëvizjes së 23 Marsit” ndaloi për gati 10 vjet dhe u rishfaq në fund të vitit 2021 përsëri.
