Bentley Bentayga EWB i parë me porosi u shit në ankand fundjavën e kaluar për 1 milion dollarë.
SUV-i luksoz u bë me pronar të ri pas ankandit të mbajtur si pjesë e Festivalit Dimërore të mbajtur në Florida. Baza e zgjatur e rrotave Bentayga mblodhi 1 milion dollarë për fëmijët e paprivilegjuar që jetojnë në Collier County.
SUV-i unik është projektuar posaçërisht për festivalin e përmendur të verës dhe është i lyer me tre shtresa të bojës Snow Quarts, ndërsa kontrastin e bëjnë detajet e zeza dhe ‘fellnet’ 22 inç me dhjetë fole dhe specifikimet Blackline.
Ekzistojnë gjithashtu detaje të ametistit që zbukurojnë brendësinë duke përfshirë dorezën e marsheve, panelet e dyerve, qepjet dhe detajet në pjesë të caktuara. Jastëkët në ulëset e pasme janë ngjyrë vjollcë.
Shkallët janë të dizajnuara me një temë të festivalit dimëror, dhe pjesa e brendshme përmban altoparlantë Naim me grila të bardha.
Blerësi i veturës do të ketë gjithashtu mundësinë të marrë pjesë në programin e Udhëtimit të Jashtëzakonshëm Britanik, i cili përfshin një vizitë në fabrikën e Bentley në Crewe, si dhe një udhëtim në Skoci dhe një turne në pasurinë Macallan dhe degustim të uiskit.
