Është mbajtur ceremonia mortore për Zulmi Aditya Iskandar, paqeruajtës i Kombeve të Bashkuara, i cili u vra gjatë misionit të tij në Liban.
Ceremonia u zhvillua në Varrezat e Dëshmorëve Cikutra, në Bandung, në provincën Java Perëndimore të Indonezisë. Familjarë dhe të afërm morën pjesë në homazhe, duke shprehur dhimbjen dhe pikëllimin për humbjen e tij.
Pamjet nga ceremonia tregojnë momente emocionale, ku të afërmit reagojnë pranë varrit të të ndjerit, duke nderuar kontributin e tij në misionet paqeruajtëse ndërkombëtare.
Paqeruajtësi ishte pjesë e forcave të OKB-së në Liban, ku situata e sigurisë është përkeqësuar ndjeshëm për shkak të përshkallëzimit të konfliktit në rajon. /mesazhi
