Dështon opozita, nuk miratohet rezoluta për 53 milionëshin e Bechtel Enkas

Me 47 vota kundër Kuvendi nuk e ka miratuar rezolutën e propozuar nga opozita, në lidhje me interpelancën e kryeministrit, për borxhin prej 53 milionë eurove ndaj Bechtel Enkas.

37 deputetë tjerë votuan për kurse vetëm një abstenoi, raporton lajmi.net.

Rezoluta që u lexua nga Glauk Konjufca nxiti debat në Kuvend, ku partitë në koalicion kritikuan opozitën se e kanë ndryshuar tekstin e rezolutës.

Kjo rezolutë u përkrahë vetëm nga LDK-ja, VV-ja dhe PSD-ja.