Mbrëmë janë dezinfektuar shtëpitë në lagjen prej nga vjen i prekuri me koronavirus në Podujevë.
Kompania e kontraktuar nga Komuna e Podujevës për dezinfektim mbrëmë ka shkuar në fshatin Dumnicë, për t’i dezinfektuar shtëpitë në lagjen prej nga vjen i prekuri me koronavirus.
Në të njëjtën kohë ka filluar dezinfektimi i objekteve të QKMF në Podujevë, Stacionit të Policisë, objektit të administratës komunale dhe objekteve të tjera publike, transmeton Kp.
Komuna e Podujevës vazhdoi me dezinfektimin edhe gjatë orëve të votna në objekte të tjera të banimit kolektiv në qytet, ndërsa sot është paraparë që i njëjti proces të kryhet edhe në Lagjen e Dëshmorëve.
