Egjipti dërgoi një delegacion të nivelit të lartë në Izrael me shpresën për të ndërmjetësuar një marrëveshje armëpushimi me Hamasin.
Zyrtari i lartë i inteligjencës, Abbas Kamel, drejton delegacionin dhe planifikon të diskutojë me Izraelin një “vizion të ri” për një armëpushim të zgjatur në rrip, tha një zyrtar egjiptian për agjencinë e lajmeve.
Bisedimet e së premtes do të fokusohen fillimisht në një shkëmbim të kufizuar të robërve të mbajtur nga Hamasi për të burgosurit palestinezë dhe kthimin e një numri të konsiderueshëm palestinezësh të zhvendosur në shtëpitë e tyre në Gazën veriore “me kufizime minimale”, tha zyrtari.
Egjipti paralajmëroi gjithashtu se një ofensivë e mundshme izraelite në Rafah mund të ketë pasoja katastrofike për stabilitetin rajonal, tha AP. /abcnews
