Konservatorët dhe socialdemokratët e qendrës së majtë (SPD) kanë arritur një marrëveshje për formimin e një koalicioni të ri gjerman, sipas një njoftimi.
“Kristiandemokratët e kancelares, Angela Merkel (CDU), dhe aleatët e saj bavarezë të Unionit Kristiansocial (CSU) dhe Partia Socialdemokrate (SPD) kanë arritur të zgjidhin mosmarrëveshjet mbi çështjet përfundimtare gjatë bisedimeve të zhvilluara sot në mëngjes”, sipas burimeve.
Negociatat për formimin e një koalicioni të ri qeveritar janë shtyrë dy herë pavarësisht afatit përfundimtar, i përcaktuar më 4 shkurt.
Gjatë bisedimeve të dielën dhe të hënën, nuk u arrit dot një marrëveshje mbi shëndetësinë, tregun e punës dhe ndarjen e portofolave ministrore.
Tani, anëtarët e SPD-së duhet të votojnë nëse janë pro apo kundër marrëveshjes.
Rezultati i referendumit të partisë pritet të shpallet në fundjavën e parë të muajit mars.
