Gjermania dhe SHBA do të furnizojnë Ukrainën me automjete të blinduara

Gjermania dhe Shtetet e Bashkuara të Amerikës do të furnizojnë Ukrainën me automjete të blinduara, njoftuan kancelari Olaf Scholz dhe presidenti Joe Biden pas një telefonate.

Njoftimi vjen pas një vendimi francez në fillim të kësaj jave për të furnizuar automjete zbulimi të përshkruara si “tanke të lehta”.

Ukraina ka kërkuar vazhdimisht dërgimin e tankeve kryesore luftarake gjermane Leopard 2 dhe automjeteve luftarake të këmbësorisë Marder.

Scholz më parë theksoi faktin se aleatët e tjerë të NATO-s gjithashtu nuk arritën të furnizonin Ukrainën me armë të rënda. /atsh