Autoritetet shëndetësore greke kanë paralajmëruar për një rrezik të lartë të një shpërthimi epidemie për shkak të numrit të lartë të kafshëve të ngordhura pas përmbytjeve në Greqinë qendrore.
Deri më tani nuk ka indikacione për përhapjen e sëmundjes. Nëse vuani nga problemet e stomakut ose keni temperaturë, shkoni menjëherë te mjeku”, deklaroi zëvendësministrja e Shëndetësisë Irini Agapidaki në kryeqytetin rajonal Larisa.
Qendra e vendit po rimëkëmbet gradualisht pasi u godit nga një stuhi e fortë javën e kaluar, e cila pa shi të rrëmbyeshëm përmbyti qytete dhe fshatra dhe lau rrugë dhe ura të tëra.
Autostrada më e rëndësishme e Greqisë, që lidh Athinën me Selanikun, u hap për herë të parë në 10 ditë pasditen e së premtes. Fillimisht trafiku ishte i kufizuar në makina dhe kamionë me peshë maksimale 3.5 ton. /atsh
