Ministria e Shëndetësisë e Kosovës u ka bërë thirrje qytetarëve që të vaksinohen kundër COVID-19.
Kjo thirrje përmes Facebookut është bërë pasi që sipas MSH-së, doza përforcuese mund të rivendos mbrojtjen kundër COVID-19, e cila mund të jetë ulur me kalimin e kohës, shkruan lajmi.net.
“Që nga fillimi i vaksinimit kundër COVID-19, mbi 902 mijë qytetarë të Kosovës kanë marrë dozën e parë, ndërsa mbi 822 mijë qytetarë që të dy dozat e vaksinës”, thuhet në postimin e MSH-së.
Ministria u ka bërë thirrje qytetarëve që ‘’tu besojnë fakteve dhe të marrin dozën përforcuese”.
Thirrja e plotë nga MSH:
Vaksinat kanë shpëtuar shumë jetë nga COVID-19 anekënd botës dhe në Kosovë, gjithashtu.
Që nga fillimi i vaksinimit kundër COVID-19, mbi 902 mijë qytetarë të Kosovës kanë marrë dozën e parë, ndërsa mbi 822 mijë qytetarë që të dy dozat e vaksinës.
Doza përforcuese e vaksinës Covid-19 mund të përmirësojë ose rivendos mbrojtjen kundër COVID-19, e cila mund të jetë ulur me kalimin e kohës.
Besojuni fakteve dhe merrni edhe dozën përforcuese!.
