Presidenti i FIFA-s, Gianni Infantino konfirmoi pjesëmarrjen e ekipit kombëtar të Iranit, pavarësisht pyetjeve gjeopolitike dhe ndeshjeve që do t’i duhet të luajnë në Los Angeles dhe Seattle në qershor.
Zhvillimet gjeopolitike midis SHBA-së dhe Iranit kishin ngritur pikëpyetje në lidhje me pjesëmarrjen e vendit të Azisë Jugperëndimore në Kupën e Botës që do të zhvillohet së shpejti.
Megjithatë, pasiguria është një gjë e së kaluarës dhe kombi i Lindjes së Mesme do të jetë në stadiumet e SHBA-së siç ishte parashikuar.
Negociatat me FIFA-n patën një fund të lumtur dhe kështu u dha drita jeshile për pjesëmarrjen e tij në festën më të madhe të futbollit. Ju kujtojmë se Irani do të përballet me Zelandën e Re dhe Belgjikën në Los Angeles më 15 dhe 21 qershor dhe Egjiptin në Seattle më 26 qershor.
Presidenti i FIFA-s, Gianni Infantino, i dha fund çdo mundësie dyshimi në lidhje me pjesëmarrjen e vendit të Mehdi Taremit, me deklaratat përkatëse për AFP-në. Kështu,… pjesa e 48-të e enigmës së Kupës së Botës të këtij viti u kompletua zyrtarisht, përcjell tch.
“Irani do të jetë në Kupën e Botës, jemi të emocionuar, sepse ata janë një ekip shumë, shumë i fortë, jam shumë i lumtur. Ndeshjet do të zhvillohen aty ku duhet të jenë, sipas shortit”, deklaroi Infantino.
