Më se 800 vdekje mund të jenë shmangur falë përmirësimit të cilësisë së ajrit gjatë bllokimit të parë të koronavirusit në Evropë, tholtë raporti i Shërbimit të Ndryshimeve Klimatike të Bashkimit Evropian (CAMS).
Duke krahasuar ekspozimin e njerëzve ndaj ndotjes së ajrit midis shkurtit dhe korrikut 2020 në 47 qytete të mëdha, shkencëtarët arritën në përfundimin se masat e qeverisë për të kufizuar përhapjen e virusit i mbronin njerëzit nga nivelet vdekjeprurëse të ndotjes.
Mbyllja e shkollave, politikat e qëndrimit në shtëpi dhe anulimi i eventeve me pjesëmarrje të lartë njerëzish ndikonin më shumë në nivelet e dioksidit të azotit (NO2), një gaz i dëmshëm i prodhuar kryesisht nga makinat.
Kufizimet e udhëtimit vendas dhe ndërkombëtar, treguan më pak ndikim në ndotjen e ajrit lokal.
Dioksidi i azotit lidhet me disa sëmundje të frymëmarrjes dhe zemrës dhe sipas Agjencisë Evropiane të Mjedisit është përgjegjës për 50,000 vdekje të parakohshme në BE çdo vit.
Në qytetet e Francës, Spanjës dhe Italisë nivelet e NO2 ranë 50% deri në 60% gjatë asaj periudhe. Parisi, Londra, Barcelona dhe Milano ishin ndër ato që shmangën më shumë vdekje për shkak të kufizimeve qeveritare. /tiranapost
