Ushtria izraelite njoftoi se ka rrëzuar tre mjete ajrore pa pilot (UAV) të dërguara në zonën ekskluzive ekonomike pranë kufirit detar me Libanin, transmeton Anadolu Agency (AA).
Në deklaratën e ushtrisë izraelite thuhet se tre dronë të dërguar nga Libani drejt zonës ekskluzive ekonomike të Izraelit u shkatërruan nga avionët luftarakë dhe raketa det-ajër.
Në deklaratë thuhet se dronët i përkisnin Hezbollahut dhe synonin fushën e gazit Karish.
Nga ana tjetër, Hezbollahu në Liban njoftoi se kishte sulmuar objektivat izraelitë në fushën e diskutueshme të gazit në kufirin detar Karish me tre dronë.
Nuk janë dhënë detaje të mëtejshme rreth sulmit.
