Forcat izraelite kanë shkatërruar Spitalin e Dializës Noura al-Kaabi në veri të Gazës, i vetmi institucion në atë zonë që ofronte trajtim jetësor për pacientët me probleme renale.
Spitali ndodhej pranë Beit Lahiya dhe u shërbente dhjetëra pacientëve nga zona përreth, përfshirë Beit Hanounin, Jabalian dhe fshatin Umm al-Nasr.
Para shkatërrimit të plotë, spitali ishte goditur disa herë më parë, duke dëmtuar pjesën më të madhe të aparateve të dializës, prej të cilave kishin mbetur vetëm tetë funksionale. Sipas agjencisë palestineze të lajmeve Wafa, tashmë objekti është rrafshuar plotësisht.
Ky sulm është pjesë e një modeli më të gjerë të goditjeve ndaj sistemit shëndetësor të Gazës. Spitale dhe klinika në të gjithë territorin e rrethuar janë bombarduar, bastisur dhe nxjerrë jashtë funksionit, duke lënë palestinezët pothuajse pa akses në kujdes mjekësor.
Ministria e Shëndetësisë në Gaza dhe organizatat humanitare kanë paralajmëruar se kolapsi i sektorit shëndetësor po ushqen një katastrofë humanitare të paprecedentë gjatë bllokadës izraelite të ndihmave. /mesazhi
