Pothuajse një dekadë pas incidentit diplomatik ndërkombëtar, ku Muntadhar Al-Zaidi kishte hedhur këpucën e tij në drejtim të ish presidentit të SHBA-ve Xhorxh W. Bush në Bagdad, al-Zaidi po planifikon karrierë politike.
Gazetari irakian, tani 39 vjeç, po kandidon për deputet në parlament në zgjedhjet e ardhshme në Irak dhe ka ambicie për t’u bërë një nga udhëheqësit e vendit.
Al-Zaidi u bë një i famshëm ndërkombëtarisht pasi i hodhi këpucën e tij preisdentit Bush, në formë proteste ndaj pushtimit amerikan.
Bush, i cili po bënte një vizitë “lamtumire” në atë kohë, shmang goditjen nga këpuca, por al-Zaidi u hodh në tokë dhe u largua nga salla nga zyrtarët e sigurisë.
Ndërsa Bush shkoi në shtëpi, al-Zaidi u dënua me tre vjet burg, por u lirua pas nëntë muajsh, pas dhënies së një lirimi me kusht.
“Siç më njihni shumë kohë më parë, unë do të mbështes njerëzit e shtypur dhe do të jem kundër shtypësve”, tha ai në një video në internet.
Al-Zaidi po përdor protestën e tij të vitit 2008 kundër Bush për të mbledhur mbështetje, duke postuar videon e incidentit në faqen e tij të fushatës në Facebook.
Gazetari e quajti gjestin e hedhjes së këpucës një “puthje lamtumire” ndaj atij që e nisi sulmin ndaj Irakut në vitin 2003. /MESAZHI/
