Sami Kurteshi, në një konferencë për media një ditë pas lirimit të Adea Batushës, Egzon Halitit, Atdhe Arifit dhe Frashër Krasniqit nga arresti shtëpiak tha se aktivistët e VV-së janë masa në arrest pa asnjë faj.
Kurteshi tha se akuzat e tilla kanë qëllim dëmtimin e Vetëvendosjes.
“Prokuroria e kriminalizuar ka formuar një aktakuzë pa bazë sepse të tilla prova nuk ekzistojnë”, tha ai.
“Prokuroria po dëshmohet se ka ndërtuar një aktakuzë në formën e një kulle prej letre të cilën e rrëzojnë dëshmitë profesionale sidomos të forenzikës. Dëshmitarët në këtë rast nuk mund të ofrojnë dëshmi të qëndrueshme që fajëson aktivistët sepse të tilla dëshmi nuk ekzistojnë. Zhurma e krijuar, shpifjet, arrestimi, mbajtja në arrest shtëpiak të aktivistëve kanë qenë veprime për të vënë Lëvizjen Vetëvendosje në terrenin e terrorizmin dhe dëmtimin e aj në aspektin politik dhe shoqëror”, u shpreh Kurteshi.
E Adea Batusha, e liruar një ditë më parë nga arresti shtëpiak tha se rasti është politik.
Ajo tha se që një vit janë mbajtur të izoluar, ndërsa dje u liruan pavarësisht se s’ka ndryshuar asnjë rrethanë.
