Kryeministri i Kosovës, Albin Kurti, ka takuar përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajçak, në margjinat e Forumit Ekonomik Botëror në Davos.
Në takim u diskutuar për “procesin e dialogut, hapat e mëtejmë dhe nevojën për dinamizim të procesit drejt normalizimit të plotë të marrëdhënieve ndërmjet Kosovës dhe Serbisë, me njohje reciproke në qendër”, thuhet në komunikatën e Qeverisë për media, transmeton lajmi.net.
Lajçak do të takohet me Kurtin në përfundim të kësaj jave në Prishtinë.
Njoftimi i plotë:
Kryeministri i Republikës së Kosovës, Albin Kurti, takoi përfaqësuesin e Posaçëm të Bashkimit Evropian për Dialogun Kosovë-Serbi, Miroslav Lajçak, në margjinat e Forumit Ekonomik Botëror në Davos.
Diskutuan për procesin e dialogut, hapat e mëtejmë dhe nevojën për dinamizim të procesit drejt normalizimit të plotë të marrëdhënieve ndërmjet Kosovës dhe Serbisë, me njohje reciproke në qendër.
Kryeministri Kurti do ta mirëpres emisarin Lajçak në Prishtinë, në përfundim të kësaj jave.
