Liverpooli ka arkëtuar tre pikë në gjiron e gjashtë, për të vazhduar formën e 100 për qind këtë edicion në Premier Ligë.
Në Anfield Road skuadra e Jurgen Kloppit e mposhti Southamptonin me rezultat prej 3 me 0, transmeton Koha.net.
E në ndeshjen e tij të parë nga minuta e parë Xherdan Shaqiri e shfrytëzoi për mrekulli, duke u përfshirë në dy gola, të parin dhe të tretin.
Hoedt i dha epërsinë Liverpoolit pasi shënoi autogol, nga një devijim i topit pas goditjes së Xherdan Shaqirit.
Epërsinë e dyfishoi Matip, që shënoi gol të bukur me kokë në minutën e 21 pas asistimit nga Alexander Arnold.
Ndërsa golin e gjeti edhe Mohamed Salah në minutën e 45+3, që shënoi pasi goditjen e fuqishme të Shaqirit nga gjuajtja e lirë e ndali shtylla dhe në zonë më së miri u gjend Salah.
Në krye të tabelës Liverpooli ka 18 pikë.
