Në mesin e shumë të rejave që priten, Android 15 duhet të vijë me Private Space, një hapësirë ku mund të zhvendosni aplikacionet private në telefon për më shumë privatësi.
Google ende nuk ka zbuluar të gjitha veçoritë e Android 15, të paktën formalisht. Por vetëm ka theksuar disa ndryshime që do të ndodhin në prapaskenë dhe që shkojnë kryesisht për zhvilluesit.
Detajimi i plotë i Android 15 pritet të bëhet gjatë konferencës Google I/O që do të mbahet në muajin Maj.
Në mesin e shumë të rejave që priten, Android 15 duhet të vijë me Private Space, një hapësirë ku mund të zhvendosni aplikacionet private në telefon për më shumë privatësi.
Sipas Android Authority, përdoruesit të cilët shfrytëzojnë këtë funksionalitet privatësie do tu kërkohet të krijojnë një llogari të re Google gjatë konfigurimit.
Gjithashtu përdoruesit paralajmërohen se nuk mund të zhvendosin Private Space nga një pajisje në një tjetër. Përkundrazi duhet të konfigurojnë një të tillë sa herë që ndryshojnë telefon.
Për arsye sigurie, mund të përdorni një kod PIN, fjalëkalim ose model për ta mbrojtur këtë hapësirë së bashku me verifikimin biometrik.
Sapo të krijohet, Private Space mund të aksesohet duke shkuar në Settings > Security & privacy > Private Space.
Bazuar në informacionet e zbuluara, Private Space ngjan me një version të Google për Samsung Secure Folder. Është një mënyrë e shkëlqyer për të mbajtur aplikacione dhe të dhënat e ndjeshme private në një hapësirë më vete, sidomos nëse telefoni juaj përdoret nga fëmijët apo familja.
