Gazetari i shquar vlonjat që shkroi me dinjitet emrin e tij në gazetari
Gazetari i njohur vlonjat Enrik Mehmeti u nda krejt papritmas nga jeta në moshën 40-vjeçare, duke lënën nën shok komunitetin mediatik e me gjerë.
Ai mbeti viktimë e një aksidenti me motor katërrrotësh në afërsi të Zvërnecit, emrit më të përfolur politikish e mediatikisht të kësaj kohe në Shqipëri, duke mos u mbijetuar plagëve të pësuara.
Enrik Mehmeti e nisi karrierën e tij që në fundin e viteve ’90, duke raportuar dhe për RAI-in, për të vijuar më pas punën si një ndër korrespondentët më të spikatur të Vlorës.
Në vite, ai krijoi profilin e një gazetari profesionist dhe me një ndjenjë të lartë detyre.
Humbja e tij është njëherësh dhe një humbje e madhe për gazetarinë shqiptare, ku ai shkroi emrin e vet me dinjitet. /tesheshi
