Në Maj, zëvendës presidentja Amerikane Kamala Harris u takua me CEO-t e OpenAI, Microsoft, Alphabet dhe Anthropic duke u thënë atyre se kanë përgjegjësinë për tu siguruar se produktet e tyre AI janë të sigurta për tu përdorur.
Microsoft, Google dhe OpenAI janë mes liderëve në hapësirën e inteligjencës artificiale në SHBA dhe raportohet se do ti përkushtohen disa udhëzimeve për përdorimin e teknologjisë nga Shtëpia e Bardhë.
Kompanitë në mënyrë vullnetarë kanë rënë dakord tu nënshtrohen disa principeve përmes një marrëveshjeje që do të skadojë në momentin që Kongresi Amerikan është i gatshëm të miratojë një ligj për rregullimin e kësaj industrie.
Administrata Biden ka vendosur fokusin në zhvillimin e përgjegjshëm të teknologjisë nga kompanitë AI. zyrtarët duan të sigurohen se firmat e teknologjisë mund të inovojnë në AI në një mënyrë që shoqëria të përfitojë pa ndikuar negativisht në sigurinë, të drejtat dhe vlera demokratike.
Në Maj, zëvendës presidentja Amerikane Kamala Harris u takua me CEO-t e OpenAI, Microsoft, Alphabet dhe Anthropic duke u thënë atyre se kanë përgjegjësinë për tu siguruar se produktet e tyre AI janë të sigurta për tu përdorur.
Muajin e kaluar presidenti Amerikan Biden u takua me liderët e industrisë për të diskutuar problematikat e hasura. Sipas draftit shikuar nga Bloomberg, firmat e teknologjisë do të nënshtrohen tetë parimeve lidhur me sigurinë dhe përgjegjësinë sociale:
Të lejojnë ekspertë të pavarur të testojnë modelet për sjellje të keqe
Të investojnë në siguri kibernetike
Të inkurajojnë palë të treta të zbulojnë probleme sigurie
Të zbulojnë rreziqe sociale përfshirë paragjykimet dhe përdorimet e papërshtatshme
Të përqendrohen në hulumtim rreth rreziqeve sociale të AI
Të ndajnë informacione të besueshme dhe sigurta me kompanitë e tjera dhe qeverinë
Të etiketojnë përmbajtjet audio dhe vizuale në mënyrë që të kuptohet se përmbajtja është e gjeneruar përmes AI
Të përdorin sistem të sofistikuara AI për të adresuar problemet më të mëdha të shoqërisë
Nisur nga fakti se kjo është një marrëveshje vullnetare lë të kuptohet vështirësinë që ligjvënësit kanë për të ruajtur ritmin e zhvillimeve në fushën e inteligjencës artificiale. /PCWorld Albanian
