Përbërësit
500 gr mish i bluar viçi
400 gr kërpudha
1 copë presh
3 vezë
200 gr miell
3 lugë pure domatesh
2 toptha djathë mocarellë
1 lugë biber i kuq
4 decilitra vaj
Mëlmesa
Rigon
Për salcë
3 vezë
2 decilitra ajkë
3 decilitra qumësht
Hapat
Preshi pritet në katrorka dhe kaurdiset në pak vaj, me qëllim që të zbutet e pastaj shtohet mishi i bluar dhe kaurdiset e tëra duke shtuar ujë kohë pas kohe
Para përfundimit të kaurdisjës, shtohet biber i kuq , pure domatesh dhe mëlmesa sipas shijës, vazhdon kaurdisja derisa mishi të zbutet plotësisht dhe derisa të shterët lëngu i tepërt
Kërpudhat pastrohen, priten në rriska të trasha, rrotullohen nëpër miell dhe pastaj në vezë të tundura dhe fërgohen në vaj të nxehtë, derisa të skuqern
Kërpudhat pastaj nxirren nga vaji dhe kullohen nga yndyra e tepërt, mocarela pritet në rrathë
Lyhet ena rezistuese ndaj zjarrit, fundi i saj mbulohet me kërpudha e fërguara, shtrihet mbushja me mish, renditen rrathët e mocarelës dhe e tëra mbulohet me kërpudhat e mbetura të fërguara
Në enë të veçantë tunden vezët, qumështi dhe ajka, pastaj kjo salcë derdhet mbi musakën e përgatitur
Musaka piqet derisa të skuqet në furrën e nxehtë në temperaturë 200 gradë celsius
Ju bëftë mirë!
