Oda e Hotelierisë ka njoftuar opinionin se nga Ministria e Shëndetësisë i kanë bërë të ditur se do të ketë zgjatje të orarit të punës në gastronomi deri në orën 01:00 pas mesnate.
Me këtë orar do të operojnë edhe sallat e dasmave ku do të mbahen ahengjet.
Sipas njoftimit të OHK-së, kanë thënë se vendimi pritet të hyjë në fuqi nga dita e mërkurë.
Gjithashtu, nga OHK kanë deklaruar se numri i të ftuarve në hapësira të mbyllura do të jetë deri në 300 persona.
Njoftimi i plotë:
ODA E HOTELIERISË DHE TURIZMIT TË KOSOVËS i njofton të gjithë gastronomët, hotelierët, pronarët e sallave të dasmave, pronarë të pishinave, clubeve të natës, dhe çdo sektor tjetër që pas shumë konsultimeve dhe takimeve me përfaqësues të Ministrisë së Shëndetësisë, sot Kryetari i Odës së Hotelierisë dhe Turizmit të Kosovës prof. dr. Hysen Sogojeva dhe drejtori i departamentit të estradës z. Afrim Muqiqi bashkë me të gjitha departamentet e tjera të OHT-së, na njoftuan se në bashkëpunim me ministrin e Shëndetësisë z. Arben Vitia kanë ardhë në përfundim të një vendimi të ri.
ZGJATJA E ORARIT do të bëhet deri në ora 01:00 pas mesnate, si dhe numri i të ftuarve në hapësirat e mbyllura të jetë deri në 300 PERSONA.
Ky vendim pritet të hyjë në fuqi nga dita e Mërkure/14.07.2021!
Oda e Hotelierisë dhe Turizmit të Kosovës me të gjitha strukturat e saj e mirëpret dhe e përshëndet këtë vendim dhe është falenderuese nga të gjitha Institucionet përkatëse për besimin e dhënë për bashkëpunim në të mirën e shëndetit publik si dhe Bizneseve.
